"KITAPAL" Мемлекет басшысы Қасым-Жомарт Тоқаевтың Ұлттық қоғамдық сенім кеңесінде берген тапсырмасына сәйкес БҒМ «Оқуға құштар мектеп» жобасын бекіткен болатын. Қазіргі таңда осы жоба бойынша көптеген игі істер жасалып нәтижелерін көрсетуде. Әлеуметтік желіде жарияланған 2024ж жоспары Қазақстанды кітап оқитын елге айналдыру мақсатында "Kitapal" жобасы баршамызды қуантуда. Жоба жетекшісі Данияр Жігітбектің бұл керемет бастамасы оқырман қауым жүрегінен жол тапты. Бұл жоба Созақ ауданы бойынша алғашқы рет Қ.Сәтбаев атындағы мектеп-гимназиясынан бастау алды. Осы жобаға мектебіміздің түлектері Жанысбек Қуаныш пен Шәкизат Азамат қатысып,жобадағы жетістіктерін кітап сүйер оқырманға сыйлауда.Қасиетті Рамазан айында "Кітап—ізгілік пен руханилық айнасы"деп Созақ ауданы,Таукент қалашығының тұрғыны(кәсіпкер)Ерлан Нысанбаев қаржылай 150000 теңге көмек көрсетіп,демеушілік жасады.Нәтижесінде мектеп кітапханасының қоры жаңа заманауи 50 кітаппен толықтырылды. Жобаға қатысушы түлектеріміз сыйлықтармен, демеуші болған кәсіпкер Ерлан Нысанбаев мырза"Қ.Сәтбаев атындағы мектеп-гимназия"ұжымы атынан алғыс хатпен марапатталды! Бұл үрдіс кітап сүйер оқырмандарымызбен жалғасын таба береді деген сенімдеміз.

• 
• 
• 
• 
•