Бүгін 25 мамыр мектебімізде "Сыңғырла соңғы қоңырау" атты түлектердің салтанатты мерекесі болып өтті. Шара шымылдығын мектебіміздің директоры Күзенбаев Айбар Сапарбекұлы салтанатты жиынға келген ата-аналар мен қонақтарды мерекемен құттықтау сөзімен ашып берді. Ары қарай құттықтау сөз кезегін аудан әкімдігінің тұрғын үй-коммуналдық шаруашылық, жолаушылар көлігі және автомобиль жолдары бөлімінің басшысы Құдайбергенов Дәулет Берікұлы, ауыл әкімі Балықбаев Ерзат Орынбасарұлы, ардагер ұстаз Қожабеков Амантай ағайлар жалғады.

Шара аясында мектеп бітіргендеріне 25 жыл, 10жыл толған түлектердің алтын ұясына арналған сый-сияпаттары табысталды.

 Әдемі ән шашумен өрілген соңғы қоңырау салтанаты, республика,аудан,облыс көлемінде білімімен топ жарған және биылғы жылды "Оқу үздігі" болып аяқтаған шәкірттерді, жетекші ұстаздарды марапаттаумен жалғасын тапты. Мектеп басшысы Айбар Сабарбекұлының түлектерге сәт-сапар тілеген жылы лебізімен қорытындыланды.

 Қымбатты біздің түлектер!

Соңғы қоңырау - сіздердің үлкен өмірге басқан алғашқы қадамдарыңыздың жолдаушы баспалдағы. Сіздер ауыл, аудан ғана емес Қазақстанның болашағысыздар. Армандарыңыз орындалып, қалаған мамандық иесі болып, кәсіби тұлға болып қалыптасатындарыңызға сенеміз.

Сәт сапар сізге Жас түлек!